[Argazki galeria] Pentsio duinen aldeko aldarria, berriz ere kalean

Pentsio duinak eskatu ditu, 1.080 eurotik gorakoak, "duintasunez bizitzeko", eta pentsio sistema propio baten alde egin du.

Ikerne Zarate Gartziarena

Errenteria-Orereta

2016/10/03

Pentsio duinen alde egin du gaur berriz ere Duintasunak .

Duintasunak berriro hartu du kalea gaur. Pentsio duinak eskatu ditu, 1.080 eurotik gorakoak, “duintasunez bizitzeko”, eta pentsio sistema propio baten alde egin du. Oporren etenaldiaren ostean, berriz ere, hasi ditu elkarretaratzeak eta ohi bezala hamarnaka herritarrek, bat egin dute deialdiarekin. Adineko pertsona bakar bat ere ez dutela pobrezian nahi esan dute elkartearen ordezkariek, eta horren harira, gogora ekarri dute Arabako Pentsionistak Lanean, Gipuzkoako Duintasuna Elkartea eta Bizkaiko Pentsionistak Martxan plataformek gutxieneko pentsio duin baten alde 71.724 sinadura aurkeztu berri dituztela Gasteizko Parlamentuan. Europako beste herrialdetako egoerarekin ere alderatu dute Euskal Herrian bizi dena. Belgika, Irlanda, Herbehereak, Frantzia eta Alemanian gutxieneko soldata 1.450 euro eta 1.500 euro artekoa bada, Espainiako Estatuan eta EAEn, Euskal Autonomia Erkidegoan, 756 eurokoa da. Pentsioen kasuan ere aldea nabarmena da, Europako beste herrialde horietan 1.000 eurotik gorakoak diren bitartean, EAEn 850 eurokoa da batez bestekoa.

Elkarretaratzea amaituta, manifestazioa abiatu da Herriko plazatik.

Alzheimerraren gaineko hitzaldia Alzheimerra eta bere eraginaren gaineko hitzaldia antolatu dute, bestalde, AFAGI Gipuzkoako Alzheimerdunen eta Bestelako Dementziadunen Senitartekoen eta Lagunen Elkarteak eta Duintasunak. Hitzaldia asteazkenean egingo dute (hilak 5) 18:00etan Reina Aretoan. AFAGIko Oarsoaldeko ordezkari Jon Kortajarena, eta AFAGIko presidente Koldo Aulestiak 4mango dute hitzaldia.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.