Aiton Borda zabalik da berriz ere

Berritze lanak egin dituzte zaharren egoitzan, erabiltzaileen irisgarritasuna bermatu eta erosotasuna handitu nahian.

olatz mitxelena

2016/10/14

Oso eragile aktiboa da Aiton Borda; besteak beste, abesbatza eta mendi taldea ditu.

Gaur egun zaharren egoitza hartzen duen lokala anbulatorioa zen iraganean. Hori dela eta, berritze lanak egin berri ditu udalak, instalakuntzak hobetu eta gune berriak sortuz, zabalagoak eta irisgarritasunaren ikuspegitik egokiagoak. Elkartearen bi espazioak guztiz eraberritu dituzte. Beheko espazioak distribuzio berria du, zabalagoa, irekiagoa eta argitsuagoa. Erabilera anitzeko gela handi bat eraiki dute, komuna handitu eta bi bulego atondu dituzte, bata masajista eta podologoarentzat, eta bestea, Aiton Borda elkarteko zuzendaritzarentzat. Goialdea, berriz, zorua guztiz eraberritu dute. Horrez gain, kanpoko fatxada berritu dute, isolamendu termiko eta akustikoarekin, eta instalazio elektrikoa, iturgintza, saneamendua eta argiztapena erabat berritu dituzte. Leihoak ere aldatu dituzte, neguko hotzari aurre egin, eta bide batez, energia aurrezteko.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.