Antxok 600 lagun bildu nahi ditu giza katerako

Igandean, 12:00etatik aurrera, zumardian izango dira Gure Esku Dago iniziatibako kideak, informazioa eman eta lanerako boluntarioak batzeko.

olatz mitxelena

Pasaia

2016/10/14

Demoarsoren lehenengo mugarria azaroaren 6ko giza katea izango da.

Lehengo larunbatean aurkeztu zuen Demoarsok martxoaren 19ra arteko bide orria.

Pasai Antxoko Gure Esku Dago iniziatibak martxan jarri du azaroaren 6rako makineria. Badia inguratuko duen giza katea antolatu du Demoarsok egun horretarako, eta 10.000 pertsona inguru biltzea da erronka. Martxoaren 19an eskualdean egitekoa den herri galdeketara bidean, hurrengo helmuga da azaroaren 6koa. 10.000 horietatik Antxok 600 pertsona inguru lotu behar ditu.

Giza katea 100 metroko zatietan banatuta egongo da, eta tarte bakoitzean arduradun bat egongo da. Horregatik, arduradunak izateko prest dauden lagunak elkartu nahi dituzte, bestea beste. Boluntarioek helbide honetara idatzita izena eman dezakete. Igandean jarriko duten mahai informatiboan ere izango da izena emateko aukera, eta horrez gain, zapia, giza kateko metro eta pegatina erosteko aukera baita ere, 5 euroren truke. Mahaia 12:00tatik aurrera izango da, Gure Zumardian.

Antolatzaileek jakinarazi dutenez, helburua informazioa ematea da, eta bide batez, laguntza ekonomikoa jaso giza kateak izango dituen azpiegitura gastuei aurre egiteko.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.