Gaur bertan hasi den astearen barruan kultura eta kirola uztartu ditu elkarteak, eta haurrentzako ipuin kontaketa ere antolatu dute.
Jimenez eta Collar astearen aurkezpenean.
Gaur hasi du Kamelamos Adikerar Ijito Elkarteak XIV. Ijito Kultur Astea, eta Xabier Olaskoaga plazan egiten ari ziren Ijito kafea baliatuta aurkeztu dute edizio honetarako prestatutakoa. Juan Carlos Jimenez Kamelamos Adikerar elkarteko lehendakari eta Eusko Jaurlaritzako Ijito Aholkuko lehendakari ordeak, eta Ion Collar Kultura zinegoztiak egin dute aurkezpena, eta nabarmendu dute, astearen bidez ijito kultura ikusarazi nahi dutela: “Ijito kultura erakutsi nahi dugu, jendak lehenengo eskutik jaso dezan, eta herrian bertan elkarrekin bizi diren beste kulturekin elkartrukea egin eta aberastu”.
Hamalau urte beteko ditu aurten Ijito Asteak, eta horren harira, “aste oso garrantzitsua” dela esan du Collarrek, “finkatuta dago oso herrian”.
Gaur bertan hasi den astearen barruan kultura eta kirola uztartu ditu elkarteak, eta haurrentzako ipuin kontaketa ere antolatu dute. Iaz izan zuen arrakasta ikusita, eta jendeak hala eskatuta, aurten ere zine foruma egingo dute
Piratak eta libelulak dokumentalarekin.
Montxo Jimenez Memoriala
Montxo Jimenez Memoriala, klasikoa bihurtu da, bestalde, Ijito Astean, eta aurten ere ez du hutsik egingo kartelean esku pilotak. Gaur bertan jokatuko dira lehen partidak Agustina Otaola frontoian eta ostiralean jokatuko dute finala.
Jimenez eta Collarrek herritar guztiak animatu dituzte parte hartzera antolatutako ekintzetan eta ijitoen kulturara hurbiltzera.
Ijitoa Astearen egitaraua
Gaur, astelehena
- 17:45-18:45: Ipuin kontaketa Markola Ludotekan, Ijitoak eta solidaritatea.
- 19:00-20:00: Montxo Jimenez VI. Memoriala Esku Pilota Torneoa, Agustina Otaola frontoian.
Bihar, asteartea
- 17:00-20:00: Jose Luis Caso Aretoan erakusketa Ijito Bizitzak Lumgo Drom.
Etzi, asteazkena
- 17:00-20:00: Jose Luis Caso Aretoan erakusketa Ijito Bizitzak Lumgo Drom.
- 18:00-19:30: Zine foruma, Piratak eta libelulak Gabierrotako Gaztelekuan.
- 20:00-21:00: Montxo Jimenez VI. Memoriala Esku Pilota Torneoa, Agustina Otaola frontoian.
Osteguna, hilak 20
- 17:00-20:00: Jose Luis Caso Aretoan erakusketa Ijito Bizitzak Lumgo Drom.
Ostirala, hilak 21
- 17:00-20:00: Jose Luis Caso Aretoan erakusketa Ijito Bizitzak Lumgo Drom.
- 19:00-20:00: Montxo Jimenez VI. Memoriala Esku Pilota Torneoa, Agustina Otaola frontoian.
