Sexualitate eta generoari buruzko informazioa eta aholkularitza eskainiko du zerbitzuak, prebentzioa lantzeko eta indarkeria matxistari aurre egiteko.
Gazteei begirako zerbitzua da, sexualitate eta generoari buruzko informazio eta aholkularitza emateko
Pasaiako Udaleko Berdintasun Arloak eta Gazteria Departamentuak landu dute zerbitzu berria, elkarlanean, iragarri dutenez “Pasaiako haur eta nerabeen sexu alorreko osasuna hobetzeko asmoz”. Iniziatiba honen bitartez, horiez gain, prebentzioa landu nahi dute eta indarkeria matxistari aurre egin.
Udalak uste du gazteek maiz zalantzak izaten dituztela, eta baita aholkularitza beharra ere, baina beren pribatutasuna gorde nahian ez dutela jakiten nora jo. Hutsune horri erantzun nahi dio, hain zuzen, zerbitzu berriak. Horretarako
Lahia Nahia Sexologia Elkartearekin kontratuta hitzartu dute, zerbitzua gaian aditutako profesionalek kudeatu dezaten.
Zerbitzua asteazkenero eskainiko da, Atxon eta Trintxerpen, txandaka. Kudeaketa bi eratara egingo da:
posta elektronikoaren bidez, edo aurrez aurre, konfidentzialtasun osoz. Aurrez aurreko arreta nahi izanez gero, posta elektronikoaren bidez edo Trintxerpe-San Pedroko Gaztelekuaren telefono zenbakira (943-517290) deituz hitzordua hartu behar da. Kontsultak banaka, bikoteka edo taldeka egin daitezke, doan. Pribatutasuna bermatuko da.
Azkenik, zerbitzua martxan jarri aurretik nerabe eta gazteen kolektibo batzuekin bilerak egingo dituztela iragarri du udalak, zerbitzuaren berri zuzenean emateko.
Iraupena: hilaren 26tik ekainaren 21era.
Eguna: asteazkena
Ordutegia: 17:30-19:30.
E-posta: sexuaholkularitza@pasaia.net.
ANTXON
Egunak: hilak 26, azaroak 9 eta 23, abenduak 7, urtarrilak 11 eta 25, otsailak 8 eta 22, martxoak 8 eta 22, apirilak 5, maiatzak 3, 17 eta 31, eta ekainak 14.
Tokia: Antxoko Gizarte Zerbitzuen egoitza (Gelasio Aranburu, 8).
TRINTXERPE
Egunak: azaroak 2, 16 eta 30, abenduak 14, urtarrilak 18, otsailak 1 eta 15, martxoak 1, 15 eta 29, apirilak 26, maiatzak 10 eta 24, eta ekainak 7 eta 21.
Tokia: Trintxerpe-San Pedroko gaztelekua, Gran Sol, 11, behea.
Tel: 943-517290.
