Lau enpresa, 29 ikasle, eta hartu dute parte garapen Agentziak antolatutako Open INN Talent, berrikuntza irekian oinarritutako proiektu esperimentalean.
Fernando Nebreda eta Jexux Leonet Open INN Talent amaiera ekitaldian.
Lau enpresa, 29 ikasle, lau ikastetxek eta Oarsoaldea garapen Agentziak beste hainbat eragileren laguntzarekin Open INN Talent, berrikuntza irekian oinarritutako proiektu esperimentalean parte hartu dute. Garapen agentziak, gaur eman du amaitutzat Oarsoaldea eskualdean egiten den gisa horretako lehen esperientzia Errenteria-Oreretako Torrekua eraikinean.
Egitasmoan parte hartu duten enpresek beraien eguneroko jardunean sortutako erronka bana planteatu diete aritu diren 29 ikasleei eta hauek taldeka banatuta erantzun dizkiete horiei. “Bost berrikuntza talde abiarazi ziren egitasmoaren barruan, bakoitzak diziplina ezberdinetako 5-6 kide zituen eta dituek eratu zituzten open innovation metodologia baliatuta”, azaldu du Fernando Nebreda Oarsoaldea Garapen agentziako kudeatzaileak, eta Garapeneko Garapen agentzien Euskal Elkarteko lehendakariak. Bost erronkei erantzuteko sortu diren lau prototipo baliozkotu dituzte enpresa erronkariek.
Amcor, Diversius, Irulezo, Tumaker eta Oarsoaldea enpresak izan dira erronkak planteatu diuztenak eta Lanbide Heziketako Aeg, Easo, Don Bosco eta Zubiri Mateo zentroetako ikasleek Demola Euskadi enpresaren ezagutzak, teknologia eta tresnak izan dituzte bidelagun erronka horiek erantzuteko, eta Gipuzkoako Foru Aldundiak diruz lagundu du.
Kooperazioa, oinarri
Egitasmoaren oinarria kooperazioa izan dela gaineratu dute garapen agentziako ordezkariek, “lurraldearen garapenerako oinarrizko zutabe bihurtzen ari da”.
Jexux Leonet, Oarsoaldea Garapen agentziaren lehendakari eta Oiartzungo alkateak, Oarsoaldea eskualdeak beharrezkoa duen eraldaketarako proiektuak bultzatzen dituela eta horren adierazlea dela Open INN Talent proiektua: “Proiektu honen bidez, gazteen enplegagarritasuna hobetzea; Enpresen, garapen agentziaren eta Lanbide Heziketako Ikastetxeen arteko sinergiak sortzea, eta enplegua sortzeko enpresetan berrikuntza sustatzea lortu da”.
Amcor enpresako Ignacio Martinez eta Irulezo enpresako Gerardo Brosak, oso baikor baloratu dute esperientzia, “talentu handiko gazteak izan ditugu gure artean, eta denbora gutxian erronkei erantzuteko gai izan dira”. Modu berean baloratu dute ikastetxeetako ordezkariek proiektua.
Parte hartu duten ikasleak berriz, “aberasgarria” izan dela esan dute. Garazi Diazek Tumaker enpresaren erronkari erantzun dion taldearen izenean mintzatu da: “Proiektu errealekin lan egiteko aukera izan dugu eta talde lanean ikasi dugu erronkari eta sortutako zailtasunei erantzuten”. Amcor enpresaren erronkari erantzuten aritu da, berriz, Vanessa Martin beste hainbat ikaslerekin batera: “Teoria praktikara eraman ahal izan dugu. Esperientzia atsegina izan da eta talde lanean aritu gara”. Idoia Lizeaga Oarsoaldea Garapen agentziaren erronkan partaide izan da. Donostiako turismoa Errenteriara erakartzea zen erronka hori eta esperientzia oso abesrasgarria izan dela nabarmendu du berak ere.
Egitasmoarekin etorkizuneko erkidego berriztatzailearen ekosistemarako oinarria eratu dela gaineratu du Nebredak.
