Atzerritarrak eta bertakoak hurbildu nahi dituzte, elkarezagutza sustatu aurreiritziekin maitzeko. Hori bilatzen du Bizilagunak Iniziatibak.
Bizilagunak iniziatiba aurkeztu dute.
Atzerritarrak eta bertakoak hurbildu nahi dituzte, elkarezagutza sustatu aurreiritziekin maitzeko. Hori bilatzen du
Bizilagunak Iniziatibak. SOS Arrazakeriak antolatuta, bost urte beteko ditu eta erronka bera du aurten ere, Oarsoaldeko hainbat etxeetako mahaiaren bueltan atzerritarrak eta bertakoak biltzea, bazkaltzen duten bitartean.
Bizilagunak iniziatiba luxuzko enbaxadorrekin heldu da, gainera, aurten, “inizaitiba zabaldu, ezagutarazi eta sustatzea da helburua, eta horretarako Errenteria-Orereta, Oiartzun, Pasaia eta Lezoko hainbat kirolari eta taldeen babesa jaso dugu aurten”. Eliteko eta oinarrizko kirolariak batu dituzte horretarako, eta SOS Arrazakeriako Edurne Agirregomezkorta, Maite Berradre eta antonio Borjarekin batera izan ziren atzo egindako agerraldian kirolari eta kirol talde horietako batzuk: Mikel Odriozola ibilketaria, Hibaikako emakumeen traineruaren patroia Naroa Galdos, Sebas
Latigo Perez boxeatzailea, Errenteria Atletsimo Taldeko Virginia Rodriguez, Club Taletico Trintxerpeko Josetxo Maneiro, eta Oiartzun Kirol Elkarteko Joxean Ibarguen.
Aurten kirol eremuan eragin nahi izan dutela esan zuen SOS Arrazakeriako Edurne Agirregomezkortak: “Kirolak elkartzea, elkarezagutza eta errespetua bezalako baloreak sustatzen diteual uste dugulako”.
Azaroaren 13an
Bizilagunak iniziatiba azaroaren 13an egingo dute, bazkalorduan. Bertakoa eta atzerriko familia, bietako baten etxean elkartuko dira bazkaltzera, eta haiekin batera dinamizatzaile bat izango da. Orain iniziatibaren bosgarren edizioa familiekin osatu nahi dute, eta horretarako izen emate epea zabaldu du SOS Arrazakeriak eta interesdunek aukera izango dute horretarako azaroaren 3a arte. Sare sozialetan
Facebook eta
Twitter bidez,
posta elektronikoa baliatuta edo 669 74 28 94 telefono zenbakira deituta har dezakete parte.
Iaz 32 familia elkartu ziren hamasei bazkaritan.
Gipuzkoa solidarioa
Bestalde, urtero Victoria Eugenia antzokian antolatzen den Gipuzkoa Solidarioa gala azaroaren 26an egingo dute 17:00etan. Kirola izango du ardatz jaialdi horrek, baina antzerkiak eta umoreak ere izango dute tartea. Bizilagunak iniziatiban parte hartu duten familia guztien bilgunea izango da.
Bizilagunak iniziatibarekin bat egin duten kirol talde eta kirolariak
Errenteria-Orereta
- Hibaika Arraun elkartea
- Touring KE
- Orereta JKafea Futbol Club
- Ereintza Eskubaloia
- Errenteria Atletismo Taldea
- Ane Santesteban, Txirrindulari olinpikoa
- Sara Carracelas, igerilari paraolinpikoa
- Mikel Odriozola, ibilketaria
- Sebas Latigo Perez, boxealaria
Pasaia
- Pasai Donibane Koxtape Arraun Elkartea
- Club Deportivo Pasaia
- Club atletico Trintxerpe
- Mikel Astarloza, txirrindularia
Lezo
Oiartzun
- Andoni Ugalde, pilotaria
- Oiartzun Kirol Elkartea