[Argazki galeria] Pasaia KE-k 75, Realak 1, eta Oiartzunek 0

Pasaia KE bere 75. urteurrena handiki ospatzen ari da. Gaur, Realeko eta Oiartzungo emakumeen taldeek talde zuri-gorria omendu dute, partida batekin.

Urko Etxebeste

Oiartzun,Pasaia

2016/10/22

Oiartzungo eta Realeko jokalariak, Pasaia KEren presidentearekin.

Pasaia KEren 75. urteurrenaren harira, Lehen Mailako lagunarteko partida jokatu dute gaur goizean Don Boscoko zelaian Realaren eta Oiartzunen emakumeen taldeek. 1-0 irabazi dute donostiarrek. Baina kirol lehiaz gain, gaur talde zuri-gorria zen protagonista. Horregatik Realak elastiko sinatu bat eman dio Alfonso Morate kirol elkartearen presidenteari, eta Oiartzunek oroigarria. Jende dezente bildu da partida ikustera Don Boscon. Eguraldia lagun, giro ona izan da goi mailako derbia ikusteko. Azkenean, garaipenaren saria txuri-urdinek eraman duten arren, oiartzuarren ekina etenik gabekoa izan da. Asteburu potoloa bizitzen ari dira Antxon Pasaia KEren 75. urteurrenaren harira. Atzo herri kirolak eta pilota partidak izan ziren Ibaiondo pilotalekuan, eta kantu jirakoek futbol taldeari egin zioten kantu. Gaur, berriz, futbol partidaz gain, herri afaria egingo dute 21:30ean hasita eta Ibaiondo pilotalekuan. Aurreko aste osoan Pasaia KEri buruzko mahai-inguruak, hitzaldiak, erakusketak eta bestelakoak izan dira. Antxok bat egin du, beraz, herriko futbol taldearekin. Bihar (igandea) haurrentzat jokoak goizean zehar, eta meza nagusia izango dira.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.