Memoriaren egunaren harira, ibilbide pertsonal, ideologiko eta sozial desberdineko herritarrak bildu ziren atzo Reina aretoan Errenteriako Udalean ordezkaritza politikoa duten alderdi guztien artean antolatutako ekitaldian.
40 herritar bildu ziren bizikidetasunaren gainean hitz egiteko.
Memoriaren Egunaren harira, ibilbide pertsonal, ideologiko eta sozial desberdineko herritarrak bildu ziren atzo Reina aretoan, Errenteriako Udalean ordezkaritza politikoa duten alderdi guztien artean antolatutako ekitaldian.
Joan den urtean Errenteria-Oreretan izandako giza eskubideen urraketak eta indarkeria ekintzak jasotzen zituen txostena,
Memoria partekatu baterantz aurkeztu zuten, eta horren harira, herriko bizikidetza eraikitzeko bidean lagungarria izan nahi duen beste urratsa eman nahi izan dutela azaldu dute, atzoko elkarrizketa gunearen antolaketarekin.
40 lagunek hartu zuten parte. Norbanako gisa izan ziren bertan, beren esperientziak partekatzen eta beste herritarrenak entzuten bi orduz. Tarte horretan, izandako indarkeria gertaerak euren bizitzan eta herrian izan duten eragina partekatu zuten. Memoria berreskuratzeari garrantzi handia eman zioten gainera, “bizikidetzaren eraikuntzan garrantzi handia duelako”, eta horretan ere gizarteak jokatu dezakeen paperaren gainean hausnartu zuten.