Lehen Mailako taldeak azken minutuan galdu zuen. Gizonen futbol taldeek irabazi egin zuten, eta nesken bigarren taldeak lehen aldiz ez zuen irabazi.
Jone Bilbaok lortu zuen oiartzuarren gola.
Azkeneko minutuan alde egin zion puntuak Oiartzungo Kirol Elkartearen talde nagusiari. Levante jaso zuen Karla Lekuona futbol zelaian. Ligako hirugarren postuan sailkatuta daude valentziarrak. Partidaren kontrola hartu zuten bisitariek, eta Oiartzunek hogeigarren minutura arte ezin izan zuen aukerarik sortu. Jokalari
granotek hainbat aukera izan zituzten, baina aldageletara markagailurik mugitu gabe iritsi ziren.
Bigarren zatiko lehenengo jokaldian aurreratu ziren bisitariak. Oiartzuarrek ez zuten amore eman, eta berdinketa bilatzen saiatu ziren, baina Levantek ahal zen moduan itxi zuen atzealdea. 78. minutura arte, hamar minutu lehenago zelairatu zen Jone Bilbaok partida berdindu baitzuen. 94. minutuan iritsi zen zorigaitzeko gola.
Bederatzi partida jokatu ondoren, jaitsiera postuetan sartu da Oiartzun. Lau puntu ditu, eta datorren asteburuan Kanariar Uharteetan jokatu beharko du, Granadilla Sur taldearen kontra.
FUTBOLA
Emakumeen Lehen Maila
Gizonen Erregional Ohorezko Maila
Emakumeen Euskal Liga
- Oiartzun B-Ariznabarra: 2-2.
Gizonen Lehen Erregionala
ARETO FUTBOLA
Gizonen Hirugarren Maila
Gipuzkoako Lehen Maila
- The Nest Zerbezeria Hirukide Ikastetxea-Power Rangers: 10-3.
Gipuzkoako Bigarren Maila
- Alustiza Autobusak Orio-Miren Taberna: 5-0.
SASKIBALOIA
Gizonen Gipuzkoako Lehen Maila
- Oiarso Grupo Eme-Oiartzungo Saskilagunak: 48-33.
