Landarbaso, Andra Mari eta Zaria abesbatzak, Errenteria Musikalek, Karnaba Otxoteak, Txistulari Bandak, eta Amulleta Danborarren kofradiak bat egin dute.
Musika elkarteetako eragilekin batera egin du agerraldia Garazi Lopez Etxezarretak.
Santa Zezilia Egunari begira musika eskaintza zabala osatu dute Errenteria-Oreretako musika eragileek. Zazpi egunez, zazpi emanaldiz gozatzeko aukera izango da Landarbaso, Zaria eta Andra Mari abesbatzen, Errenteriako Udal Txistularien, Errenteria Musikalen, Karnaba Otxotearen eta Errenteriako Musika Bandaren eskutik.
Landarbasok zabalduko du Santa Zezilia zikloaren 34. aldia, eta horretarako emanaldi berezia antolatu du bere 25. urteurrenaren harira Andra Maria Fatimaren elizan larunbatean,
Landarbaso 25!, hain zuzen ere. Igandean txistulariek hartuko dute lekukoa eta udal bandarekin batera Errenteriako txistulariak arituko dira 12:30etan kontzertua eskaintzen udaletxeko arkupeetan. Aurretik, Erdialdeko kaleetan barrena Santa Zezilia Eguneko diana egingo dute, 10:00etan hasita.
Igandean bertan eskainiko du saioa Karnaba Otxoteak. lehenengo aldiz hartuko du parte aurten Santa Zezilia zikloan, eta 19:00etan Andra Maria Fatimaren elizan kontzertua egingo dute Donostiako Orkestra Barrokoarekin batera.
Zaria Koru Eskolaren txanda astelehenean (hilak, 21) helduko da. zaria Txiki, Zariatxo, Zariagaz eta Zaria abesbatzek emanaldia egingo dute Andra Maria Fatimaren parrokian 20:00etan hasita. 150 abeslari arituko dira oholtza gainean lau taldeetan banatuta.
Errenteria Musikal musika eta dantza eskolak emanaldia egingo dute 23an. Eliza berean arituko dira Errenteria Musikal Orkestra aurretik eta Erreteria Musikal Banda ondoren, 20:30etan hasita.
Andra Mari abesbatza eta Errenteriako Musika Banda
Musika banda eta Andra Mari elkarrekin arituko dira klasikoa bilakatu den kontzertua eskaintzeko hilaren 25ean. Andra Maria Fatima elizan izango da emanaldia, eta 45 urtez elkarrekin aritu badira ere aurtengoa bereiza izango dela nabarmendu dute, abesbatzak 50 urte bete dituelako.
El Quijote sinfonia fantastikoa estreinatuko dute gainera Errenterian. 20:30ean izango da emanaldia. Eta hurrengo egunean ordu eta leku berean, Andra Mari abesbatza arituko da.
Errepertorio berriarekin helduko da hilaren 27an Amulleta Danborraren kofradia eta erdialdeko kaleetan barrena erretreta joko du 12:00etan hasita.
Garazi Lopez Etxezarreta zinegotziak herritar guztiak animatu ditu kontzertuetan parte hartzera eta gozatzera tald4e ezberdinetako ordezkariekin batera gaur eguerdian egin duen agerraldian.
