Eskualde mailako autolaguntza tailerra egingo dute bihar Errenteria-Oreretan

Biolentzia matxista jasaten edo jasan duten emakumeei zuzendutako tailerra da eta asteazkenero egiten dituzte saioak.

2016/11/22

Errenteria-Oreretako Merkatuzarren da autolaguntza tailerra.

Bigarren urtez, Oarsoaldeko lau udalek bultzatuta, biolentzia matxista jasaten edo jasan duten emakumeei zuzendutako autolaguntza tailerra egiten dute asteazkenero. Egoera horretan dauden emakumeak bertan parte hartzera gonbidatu ditu Oiartzungo Udalak. Bi orduko saioan, pairatzen duten egoeratik ateratzen laguntzen die taldeak, eta ahalduntzeko baliabideak ematen zaizkie, indarren arabera erabaki dezaten. Sorburu taldeak dinamizatzen ditu saioak. Antolatzaileek ziurtatu dutenez, konfidentzialtasuna eta anonimotasuna bermatzen dituzte saioetan. Asistentzia ere, bakoitzaren beharren araberakoa da, eta ekainera arte, edozein momentutan batu daiteke taldera. Baldintza bakarra jartzen dute autolaguntza tailerrean: gainontzeko kideen erritmo eta erabakiak errespetatzea. Hainbat arlo jorratzen dituzte autolaguntza tailerrean, emakumeak indarkeriarik gabe bizitzeko asmoarekin: beldurrak nola bideratu; zalantza eta kezkei erantzun saiatzea; entzunak eta errespetatuak sentiaraztea; baliabide eta laguntzei buruz informatu; hitz egiteko eta elkar entzuteko espazioa sortu; elkar laguntzeko; indarkeria, tratu txar eta irainetik nola atera ikasi, eta abar. Tailerrera joan nahi duenak, haurtzaindegi zerbitzua erabiltzeko aukera izango du. Hiru egun lehenagora arte eska daiteke udaleko Gizarte-Ongizate zerbitzuan, e-posta bidez edo 943 49 05 52). Astean bi orduko saioa egiten dute, Errenteria-Oreretako Merkatuzarren, 17:30etik 19:30era.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.