"Botaaaa!", San Nikolas txikia ospakizuneko eskaera
San Nikolas txikia ospatu dute herriko ikasleek. Ohitura zaharra berritu eta kalez kale ibili dira puska eske.
San Nikolas txikia ospatu dute gaur Oiartzungo ikastetxeetan dauden haurrek. Haurtzaro Ikastolakoak zein Elizalde Herri Eskolakoak kalez kale ibili dira. Ikastetxe bakoitzean ez dira denak elkarrekin ibili; mailaka edo zikloen arabera banatu dira ikasleak [Argazki galerietan, Elizaldekoak Haur Hezkuntza eta LH1ekoak dira; Haurtzarokoak, HH3koak]. San Nikolas txikia abestia kantatzen eta puska eske aritu dira kaskoko —eta batzuk, Iturriozko— hainbat txokotan. Arratsaldeko askarian jango dituzte goizean bildutakoak. Seguru ez direla gosez geratuko.