Donibanen, Bonantzako elizan eta San Juan Bataiatzailearen parrokian, bi elizetan sartu dira lapurtzera; lapurrek udaltzainak erasotu dituzte.
Parrokiaren ateko atetik sartu da lapurra.
Donibaneko bi elizetan lapurtzera sartu dira bart, eta lapurrak ezer eraman ez duen arren, bi udaltzain erasotu ditu ihes egin aurretik. Udaltzainak zauri arinak izan dituzte, baina onik daude eta jada etxean.
Pasaiako udaltzainek baieztatu dutenez, bizilagun batek eman dio abisua Ertzaintzari, eta Ertzaintzak beraiei. Bi udaltzain San Joan Bataiatzailearen parrokian bertaratu dira berehala, eta parrokiako atzeko atea bortxatuta zegoela ikusi dutenez, parrokiara sartzera zihoazen, lapurra atera eta bi udaltzainak erasotu dituenean ihes egiteko.
Parrokiako apaizak berretsi du udaltzainen bertsioa. Esan duenez “diru bila” aritu da lapurra, eta “dena hankaz gora jarri” , baina ez du ezer eraman, apaizak esan duenez elizan ez delako “aspaldian dirurik uzten”. Bera argitu duenez, parrokian ez ezik, Bonantzako elizan ere aritu da lapurra, baina han ere apaizak ez du ezer faltan sumatu.