"Azkenekoa" izatea helburu duen bertso saioa antolatu du Etxeratek urtarrilaren 8rako

Goi mailako zortzi bertsolarik hartuko dute parte Elorsoro kiroldegian egingo den bertso saioan. Unai Elizasu ariko da gai jartzaile lanetan.

Erik Gartzia Egaña

Oiartzun

2016/12/13

Alaia Martin eta Arkaitz Oiartzabal oiartzuarrek parte hartuko dute bertso saioan.

Urteroko bertso saioa urtarrilaren 8an egingo du Etxerat elkarteak. 2017koa “azkenekoa” izan dadila espero dute preso eta iheslarien senideen elkartekoek. Zortzi bertsolari igoko dira Elorsoro kiroldegiko oholtza gainera: Jone Uria, Julio Soto, Andoni Egaña, Amets Arzallus, Igor Elortza, Sustrai Colina, eta, anfitrioi bezala, Alaia Martin eta Arkaitz Oiartzabal Xamoa. Gai jartzaile lanetan Unai Elizasu ariko da. Bertso saioa 17:30ean hasiko da bertso saioa. Sarrera egunean bertan erosiz gero, hamabost euro balioko ditu. Lehenago, hamabi. Honako tokietan eros daitezke sarrerak:

Oiartzun: Amazkar taberna, Garmendi txokolategia, Elorsoro kiroldegia eta Intxixu erretegian.
Errenteria-Orereta: Landare eta Arkaitza tabernetan.
Lezo: Tiñelu elkartean.
Irun: Hazia elkartean.
Donostia: Alde Zaharra Herrikoan eta Hontza liburu dendan.
Lesaka: Arrano elkartean.
Hernani: Garin eta Aralar tabernetan.
Astigarraga: Zipotza tabernan.
Lasarte-Oria: Ilargi tabernan.
Tolosa: Raku taberna.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.