Harrobia idazlumarekin zizelkatzen denean [Argazki Galeria]

Prosa eta poesia lehiaketa irabazi dutenei sariak banatu dizkiete gaur.

2016/12/17

Familia argazkia atera dute sari banaketa bukatzean.

Gaur goizean Prosa eta Poesia lehiaketaren XXIX. ekitaldiaren sariak banatu dituzte, udaletxeko pleno aretoan. Lehen Hezkuntzako 3. mailako eta Batxilergo arteko ikasleek mila lan baino gehiago aurkeztu dituzte, eta gaur saritu dituzte epaimahaikideen arabera onenak izan direnak. Honakoak ibili dira epaile lanetan: Nerea Aizpuru; Pello Añorga; Sohalge Arbelaitz; Izar Azpiroz; Imanol Irigoien; Intxixu AEK; Goiatz Labandibar; Aingeru Palomo eta Ttur-Ttur Euskaltzaleon Bilgunea. Aitziber Arnaiz euskara teknikaria eta Ioritz Aizpuru euskara zinegotzia aritu dira aurkezle lanetan. Ibargain Musika Eskolako Beñat Ibargoien, Haizea Lekuona eta Edurne Saizarrek gitarra, flauta eta pianoarekin girotu dute ekitaldia. Sari banaketaren, herriko idazleek aurten argitaratutako liburuak aurkeztu eta zozkatu dituzte, Pello Añorga, Idoia Beratarbide, Oier Guillan, Antton Kazabon, Goiatz Labandibar eta Jokin Mitxelenaren liburuak, zehazki. Gainera, Añorgak, Kazabonek eta Labandibarrek liburuak sinatu dizkiete zozketan saritutakoei. Nork daki urte batzuk barru aurtengo Prosa eta Poesia lehiaketa irabazi dutenak ez ote ditugun gauza bera egiten ikusiko…

Sarituen zerrenda

Prosa

saila (LH 3): Ilargi Ziaurritz Olaziregi eta Aritz Oiartzabal Gonzalez.
saila (LH 4): Iraia Zapirain Olasagasti eta Iruri Etxebeste Esnaola.
saila (LH 5-6): Lur Lopez Fraile eta, Elaia Erkizia Ortega eta June Caetano Etxebeste.
saila (DBH1-2): Malen Frantsesena Arnaiz eta Kattalin Iriondo Gaztelumendi.
saila (DBH 3-4): Malen Elizasu Manterola eta Luix Mitxelena Mitxelena.
saila (16-18 urte): Maddi Puy Sorondo eta Maddi Ibarguren Elosegi.

Poesia

saila (LH 5-6): Garazi Elizegi, Maddi Goenaga eta Ibai Sanzberro; eta Unai Eguskitza Martinez.
saila (DBH 1-2): Beñat Susperregi Garmendia eta Nagore Etura Mendizabal.
saila (DBH 3-4): Laiene Aranburu Gorrotxategi eta June Galardi Zapirain.
saila (16-18 urte): Amaia Cortes Carrizo eta Carla Garcia Requena.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.