Txondorra itzali eta Olentzeroren lagunek eraman zuten ikatza.
Olentzeroren Laguntzaileek ikatza nola eramaten duten ikustera joan zen lagun ugari.
Hiru astez piztuta egon ondoren, larunbatean itzali zuten Arditurriko txondorra. Soinueneko musikariek kalejira egin zuten Arditurriko aparkalekutik txondorreraino. Hara iritsita, Lur Kortak ipuin kontalariaren txanda izan zen.
Ondoren, Olentzeroren Lagunak menditik jaitsi eta Ttakalo, Baxerri, Leatza eta Trumoiak zaindutako txondorrak emandako ikatza eraman zuten mendialdera. Datorren larunbatean, Olentzero eta Mari Domingiren etorrerara eramango dute erregaia.
Bost urtez Arditurrin egin ondoren, datorren urtean Ataunen egingo dute txondorra.