Aitzol Gogorzaren egoera salatu dute hamarnaka lagunek

Aitzol Gogorza larri gaixo den euskal presoaren egoera salatzeko herri argazkia egin zuten larunbatean hamarnaka lagunek.

Ikerne Zarate

Errenteria-Orereta

2017/01/02

Aitzol Gogorzaren aldeko herri argazkia urte zahar egunean. Argazkia: Errenteria-Oreretako Sare.

Aitzol Gogorza larri gaixo den euskal presoaren egoera salatzeko herri argazkia egin zuten larunbatean hamarnaka lagunek. Errenteria-Oreretako Sarek deitu zuen herri argazkia Herriko Plazan eta herritar ugarik erantzun zuen deialdia oreretarrak bizi duen egoera salatzeko. Salatzen dut dinamikarako Sarek sortutako eskuaren irudia margotu zuten lurrean. Hura jendez betetzea zen helburua,eta gainditu zuten, lagun ugari gelditu baitzen kanpoan, eta azkenean elizaren eskaileretan kokatu ziren argazkirako. Gogorzaren egoera hatz erakusleaz salatu zuten bildutakoek, indarrean dagoen legediarekin, eta bereziki giza eskubideen kontrako kasu honekin bukatzeko eskatu zuten. Obsesio konpultsio nahasmena du Gogorzak eta abenduaren 20an ospitalera eraman behar izan zuten, azkenekoz, krisi bat zela eta. Egun horretan bertan eraman zuten bueltan Basauriko espetxera.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.