Atzerako kontaketa hasi da
Gure Esku Dagok galdeketa egunerako gelditzen den denbora neurtuko duen erlojua jarri du Zumardiko kioskoan, eta bi suzirik markatu zuten atzerako kontaketaren hasiera.
Martxoaren 19an Oarsoaldeak erabakiko du, eta herri galdeketari begira atzerako kontaketa hasi zuten pasa den larunbatean Errenteria-Oreretan. Gure Esku Dagok galdeketa egunerako gelditzen den denbora neurtuko duen erlojua jarri du Zumardiko kioskoan, eta bi suzirik markatu zuten atzerako kontaketaren hasiera.
Hamarnaka lagunek hartu zuten parte Errenteria-Oreretako Gure Esku Dagok jai giroan antolatu zuen ekitaldian, sektore, sindikatu eta alderdi politiko ezberdinetakoek, baina erabakitzeko eskubidearen alde egiten dutenak. Etorkizunari begira jarri dira, “hori delako oinarrian, martxan jarri nahi duguna, etorkizuna. Askatasuna eta demokrazia oinarri izango dituen etorkizuna”, esan dute Gure Esku Dagoko arduradunek.
Galdera zehaztuta
Duela bi aste adostu zuten herri galdeketan egingo duten galdera. Oarsoaldeko gainontzeko herrietan egingo denarekin alderatuta ezberdina izango da Errenteria-Oreretan. Euskal errepublika burujabe bat eratu nahi duten galdetuko diete herritarrei. Horri erantzuteko hiru aukera izango dituzte, bai, ez edo zuri. Baiezkoa erantzuten duten herritarrek, beste galdera bat erantzun beharko dute: “Independentea izango dena?”. Aurreko kasuan bezala, hemen ere hiru etrantzun posible izangio dituzte, bai, ez edo zuri.
