Regala una sonrisa (Irri bat oparitu) kanpaina antolatu dute beste urte betez Errenteriako PSE-EEk eta Euskadiko Gazte Sozialistek, eta 500 jostailutik gora jaso dituzte.
500dik gora jostailu jaso dituzte behar handiena dutenen artean banatzeko.
Regala una sonrisa (Irri bat oparitu) kanpaina antolatu dute beste urte betez Errenteriako PSE-EEk eta Euskadiko Gazte Sozialistek, eta 500 jostailutik gora jaso dituzte. Gurutze Gorriari eman dizkiote bildutako opari horiek guztiak, eta azken horrek, behar gehien duten Errenteria-Oreretako familien artean banatuko ditu. Alderdi Sozialistako Jose Angel Rodriguez “pozik” azaldu da kanpainak eman duenarekin: “Arrakastatsua izan da, eta Errege Egunean irri asko eragingo ditugu 500 opari horiek haurren eskutan izango direlako”.
Gipuzkoako Gazte Sozialisten idazkari Isaac Palenciak eskerrak eman dizkie ekarpena egin duten norbanakoei, “bereziki Oiartzungo Alcampo supermerkatuari, berriz ere aktiboki hartu duelako parte kanpaina hau arrakastatsua izan dadin”.