Errege Magoen desfilean 150 lagunek hartuko dute parte

Tulle kaletik abiatuko da 18:00etan eta desfilean, 510 kilo goxoki eta 7.000 txokolatezko txanpon banatuko dituzte, denak ere zeliakoek jateko modukoak.

Ikerne Zarate Gartziarena

Errenteria-Orereta

2017/01/04

Errege Magoen desfilea Errenteria-Oreretan.

Bihar helduko dira sortaldetik Errege Magoak eta desfilea egingo dute Errenteria-Oreretan. 150 lagunek hartuko dute parte bertan eta hainbat eragile elkarlanean aritu dira hura posible egiteko. Telleri eta Gurutzearen Alabak ikastetxeetako guraso elkarteak, Jaitoki Furius elkartea, Udaltzaingoa, eta DYA eta Babes Zibileko boluntarioak udalarekin elkarlanean aritu dira desfilea antolatzen. Pontika auzoko Tulle kaletik abiatuko da 18:00etan, eta Maria de Lezo, Biteri, Alfontso XI, Nafarroa Etorbidea eta Zumardia pasata, 19:00ak aldera helduko da Herriko Plazara. Harrera, ordea, Merkatuzarren egingo dute. Babes Zibileko boluntarioek zabalduko dute desfilea, eta ondoren joango dira Errenteriako Udal Musika Banda eta jaiotza baserritarrez jantzitako haurrek eta musika eskolako trikitilariek lagunduta. Erregen postaria izango dute horiek atzean eta Errege Magoen karrozak joango dira atzean 2na antortxerok lagunduta. Desfilea, DYAko boluntarioek itxiko dute. Desfilean zehar, postariak lau laguntzaile izango ditu haurren gutunak jasotzeaz arduratuko direnak. Beraz, haurren batek, Merkatuzarreko harreran egin ordez desfilean zehar eman nahi badie gutuna, lau laguntzaile hauei eman beharko die. Ikazkinak lehenengoz Aurten Errege Magoen desfilea berrikuntzekin heldu da. Izan ere, ikazkinak gehitu dira eta trena alboan dutela ibiliko dira. Desfilean, 510 kilo goxoki eta 7.000 txokolatezko txanpon banatuko dituzte, antolatzaileek zehaztu dutenez, denak ere zeliakoek jateko modukoak.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.