Apirilaren 4an iritsiko da 20. Korrika Oarsoaldera

Oarsoaldea lehenengoz eguerdian izango da 20. Korrika, eta ondoren, Bidasotik ibili ondoren, arratsaldean berriz ere itzuliko da.

Urko Etxebeste Petrirena

Errenteria-Orereta,Lezo,Oiartzun,Pasaia

2017/01/09

Bizardiako kideak, Oiartzungo azken lekukoarekin, 2015eko Korrikan.

Martxoaren 30ean hasiko da 20. Korrika Otxandion (Bizkaia) eta apirilaren 9an bukatuko da Iruñean. Bi egun horien artean Euskal Herri osoa zeharkatuko du, tartean, Oarsoaldea. Eskualdera apirilaren 4an iritsiko da, eguerdiz. Astigarragatik Errenteria-Orereta aldera iritsiko Korrika Oarsoaldera. Zehazki, 12:17an jasoko du eskualdeak euskararen zaleentzako AEK-k antolatzen duen iniziatiba. Errenteria-Oreretatik Oiartzunerako bidea hartuko du, handik Bidasora jotzeko (13:59an Irunen, 15:01an Hendaian, 16:06an Hondarribian). Bidasotik, Oarsoaldera berriz ere. Hondarribia-Irun-Gaintxurizketa bidea egin ondoren, Lezora apirilaren 4ko 17:16an iritsiko da 20. Korrika, Gaintxurizketako biribilgunera zehazki. Lezo eta Pasaia osoa zeharkatuta, Donostiarantz joango da. Honakoa da apirilaren 4an Korrikak Oarsoaldean egingo duen bide zehatza. Errenteria-Orereta

12:08: Astigarragako futbol zelaia.
12:14: Perurenako gasolindegia.
12:17: Perurena.
12:29: Zamalbide auzoa
12:59: Herriko Plaza
13:03: Fanderiako igerilekua.

Oiartzun

13:14: Mamuteko biribilgunea.
13:18: Karla Lekuona futbol zelaia.
13:32: Altzibar auzoa.
13:42: Done Eztebe plaza.
13:52: Gurutze auzoa.

Irundik, Hendaiatik eta Hondarribitik, eta berriz ere Irundik pasatu ondoren. Lezo

17:16: Gaintxurizketako biribilgunea.
17:36: Lopene auzoa.
17:42: Gurutze Santuaren plaza.

Donibane

17:50: Donibaneko termika zegoenekoan sartuko da Korrika.
17:54: Bizkaia auzoko biribilgunea.
17:58: Santiago plaza eta enbarkaderoa.

San Pedro

18:01: Motoraren enbarkaderoa.

Trintxerpe

18:07: Udal Euskaltegian.
18:14: Gomistegiko biribilgunea.

Kontadores, Herrera, Eskalerillas pasatu ondoren Antxo

18:36: Buenavistako biribilgunea.
18:42: Antxoko kaleetatik.
18:47: Buenavistako biribilgunea (Donostiarantz doa, Altzarantz).

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.