'Koadernoa zuri', bi ahizpa aurrez aurre

'Koadernoa zuri' Hika antzerki taldeak eskainiko du igandean (urtarrilak 15) 20:00etan hasita Gezala Auditoriumean. Bi ahizparen istorioa da.

Urko Etxebeste Petrirena

Lezo

2017/01/11

‘Koadernoa zuri’ lanaren pasarte bat. Argazkia: Hika.

Gezala Auditoriumak urteko lehen antzerkia jasoko du igandean, 20:00etan. Hika antzerki taldeak Koadernoa zuri lana eramango du antzokiko oholtzara. Itziar Ituño, Miren Gojenola eta Agurtzane Intxaurragak forma emango diote Intxaurragak berak eta Arantxa Iturbek idatzitako testuari. 8 euroko prezioa dute sarrerek, eta Kultura Sailaren egoitzan aurrez (Donibane kalean dago) eta Gezalan antzerkia hasi baino lehen eros daitezke Bi ahizparen istorioa da Koadernoa zuri, Begoñarena eta Arraterena. Gutxi da ama hil zaiela. Hogei urteren ondoren jaiotetxean egiten dute topo. Izan ere, Begoña Afrikara joan zen aspaldi, amarengatik ihesi, aborto baten ondorioz. Arrate, aldiz, etxean geratu zen amaren itzalean, eta ustez bizitza orekatu eta zoriontsua eraman du, familia osatu du. Hogei urteren ondoren ahizpak aurrez aurre jartzen direnean elkarri kontuak eskatuko dizkiete, zer eta zergatik egin duten azalduko diote batak besteari. Hogei urteko bide horretan bakoitzak nahikoa lan izan du bere bizitza eraikitzeko. Martxora arte, aukera asko Igandekoa Lezoko Udalak urteko lehen hiruhilekorako antolatu duen lehen kultur ekitaldia da. Urtarriletik martxora 20 bat ekitaldi daude kultur programazioaren barruan. Horien artean nabarmentzekoak dira otsailaren 11n Gezalan egingo den bertso saioa, hil horretako 26an Xentimorik Gabe konpainiak eskainiko duen Putinen guardasola antzerkia, edo martxoaren 5ean Jabier Muguruzak emango duen kontzertua. Informazio gehiago Lezoko Udalaren webgunean edo HITZAn.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.