[Galeria] Txalupaz eta gurdiaz, itsasoaz eta basoaz

Gaur eguerdian inauguratu dute Trintxerpen, Albaolaren 'Txalupak&Carretas' erakusketa

olatz mitxelena

2017/01/14

Burgosko ordezkaritza zabal bat izan da erakusketaren inaugurazioan.

Burgosen bederatzi hilabetez egon da ikusgai eta orain Pasaiara ekarri dute, Ziriza etxera. Gaurtik aurrera bisita daiteke Albaolak antolatutako Txalupak & Carretas erakusketa, asteburuetan, doan. Txalupak & Carretas Albaola Elkartearen eta Museo de la Evolucio?n Humana delakoaren arteko elkarlanetik sortutako koprodukzioa da, Donostia 2016 Europako Kultura Hiriburuaren Bizitzaren Itsasargiak proiektuaren barruan. Burgosen ikusgai egon den denboran, erakusketak ia 86.000 bisitari izan ditu. Museo de La Evolución Humana izenekoan egon da ikusgai. Informazio asko eta pieza ikusgarriak Pieza ikusgarri asko bildu dituzte Zirizako erakusketan. Bisitariek balea-txalupa baten ezaugarri zehatzak eskala errealean ezagutzeko aukera izango dute, baita 16. mendeko San Juan baleontziaren aurkikuntzaren historia ere. Horrez gain, Ternua-Labradorko uretan hondoratutako San Juan itsasontziaren saskarraren maketa ikus daiteke bertatik bertara. Erakusketa honek historian zehar Burgosko mendizerrak eta euskal kostaldeak izan duten harremana jasotzen du, eta Quintanar del la Sierra herriko Caban?a Real de Carreteros elkartearekin Albaolak duen urteetako elkarlanaren isla da, Gurdi Bidearen egitasmoaren hurrengo urratsa. Gaurko inaugurazioan Burgoseko ordezkaritza zabala izan da. Inaugurazioan Albaolako kideekin batera ondokoak izan dira: Pasaiako alkate Izaskun Gomez; MEH museoko zuzendari zientifiko Juan Luis Arsuaga; Quintanar de la Sierrako Caban?a Real de Carreteros Elkarteko zuzendari Antonio Martin; Donostia 2016 Europako Kultur Hiriburuko Bizitza Itsasargiaren arduraduna Ziortza Basaguren, eta Gipuzkoako Foru Aldundiaren Turismo Zuzendaria Maite Cruzado. Inaugurazioa eta gero, lehen bisita gidatua izan da, Albaolako Mikel Leoz eta Cabaña Real de Carreteros elkarteko Antonio Martinek gidatuta. Erakusketa:

Noiz arte: Otsailaren 12ra bitartean.
Non: Trintxerpeko Ziriza etxean.
Ostiral eta larunbatetan: 10:00-14:00 / 16:00-18:00
Igandetan: 10:00-14:00.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.