Ekhiñe Rivas emakumeen kategoria absolutuan izan da irabazlea. Ligaxkaren barruan zortzi proba puntuagarri izan dira, Allerruko beste hainbat kiderekin.
Allerruko kideak Belodromnoan. Maillot zuria —irabazlearena— duena da Rivas.
Zortzi jardunaldiren ondoren, Allerru Txirrindularitza Taldeko kide Ekhiñe Rivas Ruiz oiartzuarra izan da Gipuzkoako Saria-Bioracer Pista Saria irabazle emakumeen kategorian. Meritu handiko garaipena izanda Rivasena, erregulartasun handikoa.
Hala ere, bigarren sailkatuari sailkapen nagusian 18 puntuko aldea aterata lortu du saria, abantaila handia: Rivasek zortzi jardunaldietan —igandeko azkenean seigarren izan zen— 213 puntu lortu ditu, eta bigarren izan den Naia Maondarainek (Limousin) 195. Hirugarrenak —Arantxa Garikano, Gipuzkoa Ogi Berri Taldekoa— 192 puntu lortu ditu.
Allerruko beste hainbat txirrindulari ere izan dira zortzi jardunaldiko sariketa horretan. Joan den igandean eman zituzten sariketa bukaerako garaikurrak Donostiako belodromoan.
Honakoak dira Allerruko kideek lortutako emaitzak:
Emakumeetan
- Leire Maya Ortiz, sailkapenean 11. izan da.
- Ane Herran Mitxelena, sailkapenean 13. izan da.
- Onintza Agirrezabala Urkia, sailkapenean 16. izan da.
Mutilen kadeteeetan
- Ekain Jimenez Elizondo, sailkapenean 6. izan da.
- Unax Leibar Alkorta, sailkapenean 14. izan da.
- Iñaki Ramirez Fernandez, sailkapenean 35. izan da.
Hilaren 21ean Gipuzkoako Txapelketa izango da jokoan Anoetan. 29an, berriz, Gipuzkoako Kopako bigarren jardunaldiari ekingo diote.
