Gogorzaren egoera larria salatu eta aske uzteko galdegin du EH Bilduk

Aitzol Gogorza larri gaixo dagoen Oreretako presoak bizi duen egoera larria salatu eta aske uzteko eskatu du beste behin ere Errenteria-Oreretako EH Bilduk.

Ikerne Zarate Gartziarena

Errenteria-Orereta

2017/01/17

Aitzol Gogorza eta larri gaixorik dauden beste bederatzi euskal presoen egoera larria salatu dute.

Aitzol Gogorza eta larri gaixorik dauden beste hamar euskal presoen egoera larria salatzeko Sarek egindako agerraldia.

Aitzol Gogorza larri gaixo dagoen Oreretako presoak bizi duen egoera larria salatu eta aske uzteko eskatu du beste behin ere Errenteria-Oreretako EH Bilduk. Pasa den ostegunean ospitalera eraman behar izan zutela Gogorza duen gaixotasunak eragindako zeharkako ondorioengatik gogora ekarri du koalizio subiranistak eta espetxe barruan oreretarraren osasun egoerak okerrera egiten duela esan du “atzera bueltarik ez duen muturreko egoeretara eramateraino”. Gogorza egun bakar batez gehiago espetxeratua mantentzea ezin dela onartu eta giza eskubideen izenean, Gogorza askatzeko eskatu du beste behin ere, “kalean eta bizirik, ahalik eta azkarren gure artean izan dadin nahi dugulako”. Horren harira, Errenteria-Oreretaren gehiengo sozial eta politikoak behin baino gehiagotan egin duela eskaera hori gaineratu du, “herri osoak eskatzen du Aitzol askatzea”. Ildo beretik, elkartasun eta babes osoa adierazi die Gogorzaren senide eta lagunei EH Bilduk, “Aitzol etxeratzeko lanean bidelagun izango gaituzue”. Amaitzeko, bat egin du bihar (urtarrilak 18, asteazkena) Sare Herritarrak 19:30ean Niessen merkatalgunearen sarreran deitu duen elkarretaratzearekin eta herritar eta eragile politiko eta sozialak deitu ditu parte hartzera.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.