'Errefusa', Fachadoren azkena

Oholtza gainean aktore bakarrak (Joserra Fachado bera), pertsonaia asko interpretatuko ditu.

olatz mitxelena

2017/02/02

Joserra Fachadok bere azken lana estreinatuko du larunbatean.

Errefusa antzezlana estreinatuko du Joserra Fachadok larunbatean Gazteszenan. Aktore sanpedrotarrak, dramaturgia, aktore lana eta zuzendaritza, lan guztiak beregain hartu ditu oraingoan. Honenbestez, taula gainean, aktore bakarra ariko da (Joserra Fachado bera), saxofonista batekin lagunduta; baina pertsonaia asko era berean, zuzendariak berak aurreratu duenez “elkarrizketak, bakarrizketak, poesiak eta musika era berritzaile batean kontatuak”. Hausnarketa bultzatu Gaurkotasun handiko gaia hautatu du Fachadok beren azken lanerako. Fikzioa eta errealitatea nahastuz, hondakinen bilketaz jardungo du oholtza gainean, “atez ateko sistemaz, bosgarren edukiontziaz, errauste plantaz eta birziklapenaz”, baina lanaren nahia harago doa. “Pertsonez hitz egiten da. Ideologia, sentimendua eta jarrera ezberdinak dituzten biztanleez”, ohartarazi du Fachadok. Antzezlana, 20:00etan hasiko da Donostiako Egia auzoko antzokian eta sarrerak 10 euro balio du.

Fitxa teknikoa:

Dramaturgia, aktore lana eta zuzendaritza: Joserra Fachado.
Saxofonista: Txino.
Eszenografia: Marisa Egaña.
Kartela: Sebas Legarda.
Argi diseinua eta teknikaria: Eragin.
Argazkiak: Pierre Balacey.
Web: Uts.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.