Ihoteak prestatzen hasi dira herriko eragileak

Elizaldeko Guraso Elkarteak ostiralero entseatzen du; Haurtzarokoek burrunba egingo dute eta Ihote Taldeak dantza tailerra emango du Soinuenean.

Erik Gartzia Egaña

Oiartzun

2017/02/03

Soinuenean dantza tailerra egingo dute, hilaren 11n.

Bi aste falta dira Ihoteak iristeko. Herriko hainbat talde prestaketa lanetan hasi dira. Elizaldeko Guraso Elkartearen kasua da horietako bat. Ostiralero elkartzen dira jangelan, bosgarren urtez aterako den karroxarako dantzak entseatzeko. Irakaslea ez da nolanahikoa, gainera: Izar Etxeberriak erakusten die. Gaur arratsaldean, baita hilaren 10ean eta 17an ere, ikastetxeko jangelan bilduko dira, 16:45 aldera. Dantzak ikasteaz gain, zakuak prestatzerakoan egon litezkeen zalantzak ere argituko dituzte. Haurtzaro Ikastolakoek, berriz, ihoteei deitzeko burrunba egingo dute hilaren 17an. Horretarako entsegu bakarra egingo dute. Hilaren 16an izango da, ikastolako anfiteatroan, 17:00etatik aurrera. Horrez gain, Ihoteetako Taldekoek dantza tailerra emango dute hurrengo larunbatean, Soinuenean. 17:00etan hasiko da tailerra, eta Jon Ansorena izango da musikaria.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.