'Zirkorrika' mozorroa jantziko dute Abaraxkakoek
Ludotekakoek inauterietako gaia aukeratzeko bilera egin dute. Aurtengo Korrikaren bideoklipa izango inspirazio iturri.
Oiartzungo Abaraxka ludotekakoek pasa den larunbatean egin zuten bilera, inauterietako mozorroa zein izango den erabakitzeko. Aurtengo Korrikan oinarrituko dira mozorroak prestatzek. Zehazki, euskararen aldeko lasterketaren aurtengo abestia (Zirkorrika) eta bideoklipa izango da oinarria.
Horrela, zirkuetako pertsonaien (pailazoak, malabaristak, trapezistak, aurkezleak…) eta korrikalarien mozorroak jantziko dituzte ludotekakoek. Hilaren 25ean izango da hori. Herriko kaleetan zehar korrika ibiliko dira lehendabizi, eta ondoren, ikuskizuna egingo dute Doneztebe plazan.
