Ura eta estolderiaren tasa ordaindu daiteke gaurtik aurrera
Finantza erakunde baten bulegoan ordaindu behar duten oiartzuarrek bi hilabeteko epea izango dute. Helbideratua dutenei hilabete barru kobratuko diete.
Oiartzungo Udalak jakinarazi duenez, gaurtik aurrera ordain daiteke ura eta estolderiaren tasa. Oiartzuarrek bi hilabeteko epea izango dute zerga hori ordaintzeko, apirilaren15era arte.
Ordainketa helbideratua dutenei, berriz, hilabete barru kobratuko diete. Alegia, martxoaren 15ean izango da egun hori.
