Bihar izango da aurtengo lehen odol ematea

Oiartzungo odol emaileek urteko beste bost odol emateen zitak zeintzuk izango diren jakinarazi dituzte. Gazteak animatu dituzte parte har dezaten.

Erik Gartzia Egaña

Oiartzun

2017/02/20

Bi hilabetero dute zita.

Oiartzungo odol emaileek bihar izango dute 2017ko lehenengo zita. Ohi bezala, anbulatorioan izango dute odola emateko aukera. 18:00etan hasiko dira odola ematen, eta bi ordu inguru egongo dira bertan. Urteko lehen odol ematea izanik, deialdi berezi bat egin diete odol emaile berriei, batez ere gazteei, odola ematera animatu daitezen. “Denak, orain edo bihar, beharra izango dugu”, gogorarazi dute. Izan ere, pasa den urtean 2015ean baino hamalau odol poltsa gutxiago jaso zituzten. Azkeneko odol ematean 44 oiartzuarrek eman zuten odola, horietatik bik lehen aldiz. Honakoak izan ziren datuak:

O+: 24.
O-: 6.
A+: 11.
A-: 2.
B+: 1.
B- eta AB: 0.

Bestalde, urteko gainontzeko zitak gogorarazi ditu odol emaile elkarteak. Honakoak izango dira, bi hilabetero: apirilak 25, ekainak 27, abuztuak 22, urriak 24 eta abenduak 19.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.