Aurrerapauso handia eman du Oiartzunek, Tacuense arerio zuzena gaindituta. Partidako bi golak atsedenaldiaren ondoren iritsi ziren.
Jone Bilbaok kontraeraso bikainari ginga jarri zion.
Oiartzunek Lehen Mailari eusteko aurrerapauso garrantzitsua eman zuen atzo Karla Lekuonan. Tacuense arerio zuzena jaso zuen. Bi taldeak ongi kokatuta zelairatu ziren, baina etxekoak izan ziren lehen aukerak sortzen hasi zirenak. Evelyn Santosek, lehendabizi, eta Ane Perezek, ondoren, euren oinetan izan zituzten lehen gola sartzeko aukera.
Kontraerasoan irteteen ziren Kanarietakoak, baina Gari Argoteren jokalariek ongi eusten zioten atzealdean. 30. minutuan lortu zuten Oihana Aldairen atea zulatzea, baina epaileak bertan behera utzi zuen, marrazainak banderatxoa altxatu ondoren. Minutuak aurrera joan hala jokoa orekatzen joan zen. Aldageletara joan aurretik izan zuten azken aukera.
Bigarren zatian, oiartzuarrak nagusi izaten hasi ziren. 61. minutuan, kontraeraso bikain batean, Jone Bilbaok sartu zuen partidako lehenengo gola, Carol Gonzalezen pasea probestu ondoren. Aukera gehiago izan zituzten oiartzuarrek —Agouesek langara bidali zuen falta bat, kasu—, eta 82. minutuan iritsi zen bigarrena. Eguzkiñe Peñak bikain borrokatu zuen baloi luze bat, eta ia angelurik gabe sartu zuen gola.
Hamahirugarren postura egin du jauzi Oiartzunek, Albacete gaindituz. Hamalau puntu dituzte orain, eta jaitsiera postuan dagoen Espanyoli hiru puntu ateratzen dizkiete.
FUTBOLA
Gizonen Erregional Ohorezko Maila
Emakumeen Euskal Liga
- Barakaldo-Oiartzun B: 2-1.
Gizonen Lehen Erregionala. Igoera Fasea.
ARETO FUTBOLA
Gizonen Hirugarren Maila
- Sasikoa Durango-Oiartzun:0-2.
Gipuzkoako Lehen Maila
- Ventanas Isu Leihoak-Power Rangers: 5-1.
Gipuzkoako Bigarren Maila
- Miren Taberna-Gamon Izadi: 4-3.
SASKIBALOIA
Gizonen Gipuzkoako Lehen Maila
- Oiartzungo Saskilagunak-Hernani: 44-61.
