Asanblea eta argazki erraldoia, herri galdeketari bultzada emateko

Oiartzungo Gure Esku Dagok bi ekitaldi antolatu ditu larunbaterako, M19ri begira. Azken hiru asteak "erabakigarriak" izango direla esan dute.

Erik Gartzia

Oiartzun

2017/02/22

Demoarsorako azken txanpa prestatzen ari dira.

25 egun falta dira Demoarsok antolatutako herri galdeketa egiteko. Horren harira, datorren larunbaterako, bi ekitaldi antolatu ditu Oiartzungo Gure Esku Dagok. Bultzada eman nahi diote erabakitzeko eskubidearen aldeko zita garrantzitsu horri, eta bi ekitaldi antolatu dituzte, falta diren hiru asteak erabakigarriak izango direlakoan. Alde batetik, martxoaren 19an edo lehenago lanean aritu nahi dutenekin asanblea egingo dute udaletxeko areto nagusian. 11:00etan hasiko da, eta boluntario izango direnek datozen astetan egin beharreko urratsak ezagutu eta osatzea izango da helburua. Bilera bukatzean, 12:30ean, izango da hurrengo zita. Doneztebe plazan izango da, eta bertan argazki jendetsua aterako dute, martxoaren 19ko herri kontsultari bultzada emateko asmoz.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.