Inauteriak ari dira ospatzen Haurtzaro Ikastolan. Desfilea egiten hasi dira goizean,baina buelta eman behar izan dute. Arratsaldean, emanaldia.
![inauteriak haurtzaro ikastola](http://oarsoaldea.hitza.eus/site/files/2017/02/inauteriak-haurtzaro-ikastola.jpg)
Nola edo hala atertu dira desfilatu ahal izan duten ikasleak.
Inauteriak ospatzen ari dira Haurtzaro Ikastolan. Euri tantak, elur panpinak, mendizaleak,
rocker-ak, mimoak… denetarik bildu da ikastolako anfiteatroan. 10:30 pasatxo zirela, desfilea egiteko abiatu dira, Elorrondo kaletik.
Festetan inoiz inork nahi ez duen gonbidatua ere agertu da desfilera: euria. Parte aktiboa izan du, eta Haurtzaro Ikastolako arduradunek desfilea bertan behera uztea erabaki dute.
Arratsaldean beste zita bat izango dute, 14:30ean, ikastolan. Emanaldia eskainiko dute ikasleek, eta euria berriz ere agertzen bada, Elorsoron egingo dute saioa.