Gol bateko aldeagatik galdu du Oiartzunek, Sevillan. Jaitsiera postuetatik kanpo dago Gari Argotek zuzendutako taldea, arerioek ere galdu egin baitzuten.
Betisen kirol hirian jokatu zuen Oiartzunek.
Partida zaila zuen atzo arratsaldean Oiartzunek. Sevillaraino joan behar izan zuten, Betisen kontra jokatzeko. Etxeko taldeak hobeto hasi zuen partida, eta 8. minutuan eduki zuten lehenengo aukera eta zazpi minutu beranduago bigarrena.
Oiartzuarrak 21.minutuan iritsi ziren lehenengo aldiz andaluziarren atera, falta baten bitartez. 29. minutuan Betisek baloia langara bidali zuen, eta hortik aurrera hasi ziren oiartzuarren minutu onenak. Kornerreko jokaldi batean, Ane Perezen errematea gutxigatik joan zen kanpora. Atsedenaldirako minutu bakarra falta zenean iritsi zen sevillarren gola, Rosaren bitartez.
Aldageletatik bueltan, oiartzuarrek jabetza handiagoa izan zuten, baina aukerak sortzea kostatu zitzaien. 49. minutuan Anne Mugarza kapitainaren jaurtiketa gora joan zen. 61. minutuan, berriz, aukera bikoitza izan zuten. Partida bukaerara arte, izan zituzten aukera gehiago, baina ez zuten sarera bidaltzerik lortu.
Hamalau punturekin jarraitzen du Oiartzunek, jaitsiera postuetatik kanpo. Datorren asteburuan atsedena izango dute, eta bueltan Athletic jasoko dute Karla Lekuonan.
Beste emaitzei dagokienez, areto futbolean, Power Rangersek estreinako garaipena lortu du Gipuzkoako Lehenengo Mailan. Legorretari 4-3 irabazi diete Elorsoron.
FUTBOLA
Emakumeen Lehen Maila
Gizonen Erregional Ohorezko Maila
- Aloña Mendi-Oiartzun: 1-1.
Emakumeen Euskal Liga
- Oiartzun B-Pauldarrak: 3-0.
Gizonen Lehen Erregionala. Igoera Fasea.
ARETO FUTBOLA
Gizonen Hirugarren Maila
- Oiartzun-Zalditxo Araia: 6-2.
Gipuzkoako Lehen Maila
- Power Rangers-Bilkoin Legorreta: 4-3.
Gipuzkoako Bigarren Maila
- Ataun Troskaeta-Miren Taberna: 10-5.
SASKIBALOIA
Gizonen Gipuzkoako Lehen Maila
- Oiartzungo Saskilagunek atsedena dute.
