12:00etan abiatuko da konpartsa Koldo Mitxelena plazatik eta Agirre Lehendakariaren plazan fandangoa eta arin arina dantzatuko dute.
Inudeak eta Artzainak konpartsak hartuko du kalea.
Orereta Ikastolak antolatuta, hogeigarrenez hartuko ditu Errenteria-Oreretako kaleak Inude eta Artzainen desfileak ezti, igandea. 200 haurrek eta 250 helduk osatuko dute desfile hori, eta joan den emndeko irudi eta lanbideak utziko dituzte herriko kaleetan. bertan izango dira noski inudeak, eta artzainak, baina ez dira faltako ere, alkatea eta emaztea, gotzaina, apaiza bere akolitoekin, medikua eta erizainak, puxika saltzaileak, barkileroak, zapata garbitzaileak, lore saltzaileak eta okinak, besteak beste.
Orereta Ikastolako ikasle, guraso eta irakasleak ez dira gainera, bakarrik arituko, Ereintza Elkarteko Txistu taldea, Iraultza Dantza taldea, Errenteria Musikaleko musikariak, dultzaineroak, trikitilariak, Amulleta elkarteko Danborraren Kofradia, Jose Mari Auto Klasikoak, eta dantzariek ere bat egingo dute desfilearekin.
12:00etan abiatuko da konpartsa Koldo Mitxelena plazatik eta herriko kaleetan barrena ibilita Agirre Lehendakariaren plazan fandangoa eta arin arina dantzatuko dute parte hartzaileek. Santa Klara kaletik abiatuta egingo du buelta Koldo Mitxelena plazara konpartsak, ekitaldi nagusiarekin amaitzeko bertan.
Antolatzaileek herritar guztiak deitu dituzte parte hartzera.