Pentsio publikoen alde kalea hartuko du Duintasunak

Pentsio publikoen aurkako erasoa salatuko du Duintasunak astelehenean 11:00etan egingo duen elkarretaratzean eta ondorengo manifestazioan.

Ikerne Zarate Gartziarena

Errenteria-Orereta

2017/03/03

Duintasunak pobrezia energitikoari aurre egiteko neurriak eskatu ditu.

Duintasunak pobrezia energitikoari aurre egiteko neurriak eskatu zituen abenduko mobilizazioan.

Duintasuna jubilatu eta pentsiodunen elkarteak, hileko lehen astelehenero bezala, elkarretaratzea eta manifestazioa egingo ditu astelehenean. Pentsio publikoen aurkako erasoa salatuko du elkarteak. Geroz eta baxuagoak direla diote, eta hori baieztatzeko datuak eman dituzte: “2016. urtean %1,7 igo zen KPIa, eta aurten %3. Pentsioak %0,25 igo dituzte aurten”. Espainiako gobernuaren jarrera salatu du Duintasunak, baina baita Eusko Jaurlaritzarena ere: “Azken horrek uko egin dio diru sarrerak bermatzeko errenta igotzeari nahiz eta legebiltzarraren lege batek horretara derrigortzen duen. Horrek ere eragiten du milaka pentsiodunen soldata osaketan”. “Gobernuek instituzioez barre egiten duela” gaineratu du Duintasunak, “nahiz eta beraiek esaten duten instituzioetan dagoela herritarren subiranotasuna. Frogatuta dago subiranotasuna, boteretsuek dutela, eta baita gobernuak azken horien zerbitzura daudela”.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.