Elizalde eta Iturriotz auzoetan etxez etxe ibiliko dira gaur arratsaldean. Aste honetan ere M19an bozkatu ezin dutenek aurrez eman dezakete botoa.
M19an hautetsontziak betetzera animatuko du Gure Esku Dagok.
Hamahiru egun falta dira Demoarsok antolatutako herri galdeketa egin dadin. Egun horretakoen berri zehatza emate aldera, Oiartzungo Gure Esku Dagoko kideak etxez etxe emango ditu azalpenak. Gainera, herri galdeketan parte hartzera gonbidatuko dituzte oiartzuarrak. Gaur arratsaldean Elizaldeko zati batean (19:00etan, Fermiñenen) eta Iturriotzen (18:30ean, Beko Soroan) ibiliko dira.
Bihar Altzibargo bizilagunen etxeetaraino joango dira (19:00etan, auzoko plazan) eta etzi, berriz, Ergoienen ibiliko dira (20:00etan Auzokalten). Ostegunean Arraguaren txanda izango da (19:00etan Topo azpian). Ostiralerako utzi dituzte Gurutze (17:00etan Bizardian) eta Elizaldeko Tolaita, Pikabene eta Mendibil (19:00etan Txara kafetegian). Ugaldetxo eta Karrika zatika landuko dituzte, eta parte hartu nahi dutenek Gure Esku Dagori
e-posta bidez idatzi beharko dute.
Aurrezko botoa
Bestalde, aurrezko botoa emateko aukera egongo da datozen egunetan. Martxoaren 19an botoa emateko aukerarik ez dutenek euren auzoan eman dezakete botoa. Honakoa izango da egitaraua:
- Hilak 8, asteazkena. 18:00-21:00. Elizaldeko Kazkazuri plaza, 2, behean dagoen lokalean.
- Hilak 10, ostirala. 19:00 21:00 Altzibarko plazan.
- Hilak 12, igandea. 10:30 12:00 Gurutzeko Bizardia elkartearen aurrean.
- Hilak 12, igandea. 12:3014:00 Karrikako Artaso elkartean.
- Hilak 15, asteazkena. 18:30 – 20:30. Arraguako Lartzabal etxadia A, 2 lokalean (Carcedo zena).
