Mendiko diziplinan aritzeko aukera izango dute Oarsoaldeko gazteek, zegoen hutsunea beteta. 22 txirrindulari ariko dira ziklismo eskolan.
Eskolakoak, berdez, eta mountain bike talde berria, arrosaz.
Oarsoaldeko Txirrindularitza Eskola (OTXE) orain dela hiru urte sortu zen. Ordutik, handitzen joan da eskola, eta bi talde izango ditu aurten. Arratsaldean egin dute bi taldeen aurkezpena, Oiartzungo Landetxe plazan.
Hainbat berritasun izango ditu taldeak. Lehenik eta behin, trail modalitatea eskainiko du OTXEk. Xuban Iragorri trial motoetan punta puntan aritzen dena monitore lanetan ariko da.
Eskolako partaide kopurua handitu egingo da aurten. Hamalau gaztetxotik 22 izatera pasako dira. Haur eta Kimu mailetako ikasleak edukitzeaz gain, lehen aldiz hamar urteko partaideak izango dituzte. Maillotaren kolorea berdea izango da, eta Amets Autoak tailerraren babesa izango dute.
Mendi bizikleta
Berritasun nagusia, hala ere, bigarren talde baten sorrera izango da. Oarsoaldean zegoen hutsune bat betetzeko asmoarekin sortu dute talde hori: mendiko bizikleta. Izan ere, eskolako adina pasatzerakoan, ez zen mendiko bizikletan aritzeko aukerarik (errepiderako aukera bakarrik zegoen: Laguntasuna eta Allerru). Ciclos Iñaki babestutako talde berriak 11 txirrindulari izango ditu. Bost kadete (denak OTXEn aritutakoak), junior bat eta elite mailako bost txirrindulari izango ditu. Honakoak izango dira bi taldeetako partideak:
OTXE Txirrindularitza Eskola
- Nora Mentxaka (Kimu Maila 1).
- Martin Aguilera (Kimu Maila 1).
- Ibon Irurieta (Kimu Maila 2).
- Unax Aduriz (Kimu Maila 2).
- Nahia Polo (Haur Maila 2).
- Amaia Zamora (Haur Maila 2).
- Aiert Garro (Haur Maila 1).
- Ander Gabino (Haur Maila 1).
- Beñat Garaiar (Haur Maila 1).
- Eneko Balda (Haur Maila 1).
- Markel Etxeberria (Haur Maila 1).
- Markel Muñoz (Haur Maila 1).
- Nayan Iriarte (Haur Maila 1).
- Andres Curto (Haur Maila 2).
- Eneko Garrote (Haur Maila 2).
- Eneko Gordaliza (Haur Maila 2).
- Iker Oiarbide (Haur Maila 2).
- Iurgi Irurieta (Haur Maila 2).
- Jon Seda (Haur Maila 2).
- Julen Azurmendi (Haur Maila 2).
- Manuel Marin (Haur Maila 2).
- Oihan Gordaliza (Haur Maila 2).
OTXE-Ciclos Iñaki MTB
- Gexan Albisu (Kadetea).
- Ekain Elizasu (Kadetea).
- Markel Irastorza (Kadetea).
- Xabi Txintxurreta (Kadetea).
- Oier Maritxalar (Kadetea).
- Mattin (Junior).
- Urko Munduate (Elite maila).
- Ivan Marañon (Elite maila).
- David Rojas (Elite maila).
- Antton Ibarguren (Elite maila).
- Arkaitz Iza (Elite maila).
