Emakumeek egindako lanak, bibliotekan ikusgai

Emakumeen Nazioarteko Egunaren harira, hainbat ekitaldi antolatu dituzte, tartean ostiralera arte ikus daitekeen erakusketa.

Erik Gartzia

Oiartzun

2017/03/07

Ostiralera arte ikus daitezke emakumeek egindako lanak.

Martxoaren 8a dela eta, ekitaldi ugari egiten ari dira egunotan Oiartzunen. Horietako bat da herriko emakumeek egindako eskulanen erakusketa. Bibliotekako beheko solairuan ikus ahal izango dira, ostiralera arte. 10:00etatik 12:00etara eta 17:00etatik 19:00etara egongo da erakusketa irekita. Aste honetan beste hainbat ekitaldi egingo dituzte. Hona egitaraua:

Bihar: 11:00etan, udaletxean, Goiatz Labandibar eta Mirari Martiarena kazetariekin Emakumeak kazetaritzan tailerra; 17:30ean, Doneztebe Plazan, Feministak plazara! ekintza eta pintxo-topa; 18:55ean, Errenteria-Oreretako eskualdeko manifestaziora joateko autobusa hartuko dute.
Etzidamu: 18:00etan, udaletxean, Mari Carmen Basterretxearen Euskal Herria, kultura matrilineala liburuaren aurkezpena.
Martxoak 11, larunbata: 14:00etan, Joxixonian, emakume feministen bazkaria. Sarrerak 18 euroan eros daitezke Amazkar tabernan eta Garmendi txokolategian.
Martxoak 12, igandea: 19:00etan, udaletxean, Kitto! Nik utziko dut antzerkia. Sarrera: 5 euro.

Martxoan egingo dituzten gainontzeko ekitaldiak ikusteko, egin klik hemen.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.