Dagoeneko Lezoko lehenengo herritarrek aldez aurreko bozka egin dute Demoarsoko herri galdeketan
![LezoDemoarso](http://oarsoaldea.hitza.eus/site/files/2017/03/DSC_0323.jpg)
Herri galdeketaren lehenengo bozka eman zuten atzo Lezon.
Dagoeneko Lezoko lehenengo herritarrek aldez aurreko bozka egin dute Demoarsoren herri galdeketan. Martxoaren 19an egingo den demokrazia ariketan parte hartzerik ez duen oroko aurretik bozkatzeko aukera izango du eskualdeko lau herrietan.
Lezo izan da lehena pausua ematen. Atzo ireki zuten lehenengo aldiz herriko bozkalekua. 18:00tatik 20:00ak arteko epea izan zuten herritarrek euren bozka emateko. Tarte horretan eman ziren herri galdeketaren lehenengo bozkak.
Herri galdeketa egunerako 12 egun besterik ez dira falta. Astean zehar Errenteria-Oreretan, Oiartzun eta Pasaian ere aldez aurreko bozka emateko bozkalekuak irekiko dituzte.