Asteburu honetan bukatuko da pala txapelketako lehen fasea

Hamabi partida jokatuko dituzte Madalensoro pilotalekuan. Pasa den asteburuan, berriz, 11 norgehiagoka izan ziren pala txapelketa irekian.

Erik Gartzia Egaña

Oiartzun

2017/03/08

Palista eta epaile batzuk, Demoarsori kontsultari atxikimendua emanez.

Euskal Herriko Pala Txapelketa Irekiaren lehenengo fasea asteburu honetan bukatuko da. Bigarren fasera bidean, 11 partida jokatu zituzten pasa den asteburuan Madalensoro pilotalekuan. Denetarik ikusteko aukera egon zen kantxan. Lehen Mailan, Ramos-Zubimendi eta Txoperena-Ubeda bikoteen arteko partidak ordu eta erdi iraun zuen (lehen bikotea 25-20) gailendu zen. Kategoria horretako beste bi partida ere jokatu zituzten, oreka gutxiagokoak: Salaberria-Huegun 25/Aroztegi-Azpeitia 13; eta Antxordoki II-Almandoz/Duarte-Koka 25-15. Bigarren Mailan, berriz, bost partida jokatu zituzten. Horietako bat (Epelde-Azpiroz/Mitxelena-Laborde) 24ko berdinketarekin bukatu zen. Izan ere, Epeldek orkatila bihurritu zuen. Asteburan jokatutako gainontzeko emaitzak honakoak izan ziren: Bigarren Maila

Salegi-Rodriguez 25/Imaz-Elizalde 20.
Perez–Elizasu 25/Saizar Agirre 9.
Lozano-Nuin 25/Berho-Goñi 22.
Lujanbio-Murgiondo 25/Barbulo-Luarizayerdi 14.

Hirugarren Maila

Beloki-Goñi 25/Maneiro-Aizkorreta 16.
Iparragirre-Garagorri 25/Otxoa-Izkierdo 16.
Ferrero-Goñi 25/Juaristi-Askaiturrieta 10.

Asteburuan jokatuko dituzten hamabi partidekin bukatuko da lehenengo fasea. Hauek dira kanporaketak hasi aurretik jokatuko dituzten partidak: Hilak 11, larunbata, 08:00etan

Maneiro-Aizkorreta/Zapirain-Susperregi (3. Maila).
Egialde-Muñoa/Galdos-Juarez (2. Maila).
Mitxelena-Laborde/Urbieta-Iraeta (2. Maila).
Berho-Goñi/Marin – Biana (2. Maila).

Hilak 11, larunbata, 14:00etan

Larralde-Zumeta/Aizpuru-Gastesi (1. Maila).
Duarte-Koka/Elejalde-San Miguel (1. Maila).
Arana-Olaizola/Mitxelena-Berebide (2. Maila).
Perez–Elizasu/Katalintxo – Izoztegi (2. Maila).

Hilak 11, larunbata, 14:00etan

Getaria-Bidegain/ Ferrero-Goñi (3. Maila).
Andueza-Rodriguez/Iribar-Etxarri (2. Maila).
Beloki–Goñi/Balda-Iribar (3. Maila).
Igoa–Gamio/Martinez–Lekuona (2. Maila).

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.