Asteburu oso interesgarria Lezoko kirol taldeentzat, batez ere Allerruren nahiz Munttarperen gizonen taldeentzat. Igoera dute jokoan.
Munttarperen gizonen taldea.
Lezoko kirol agendaren fokua, egun, bi taldetan dago. Hain zuzen mailaz igotzeko borrokan ari diren bi taldetan: Allerruren gizonen talde nagusia, eta Munttarperena. Borroka latza dute biek hobetzeko bidean.
Allerruren gizonen taldea Erregional Preferenteko lidergoa konpartitzen ari da aspalditik Añorgarekin, baina beti bigarren, donostiarrekiko gol aldeagatik. Ohorezko Erregionalera zuzenean igotzeko aukera bakarra dago, lehena izatea; bigarren izanda igoera kanporaketa jokatu beharko luke Preferenteko beste multzoko bigarren taldearen kontra. Horregatik, bihar Oriokoren zelaian jokatuko duen partida (16:30ean, Orion), Añorgarekin duen pultsuaren atal berri bat izango da.
Gipuzkoako Bigarren Mailako bigarren da ere Munttarperen gizonen taldea. Baina etzi (igandea), liderraren etxean jokatuko du Oñatin, Aloña Mendi hiru puntura duen taldera hurbiltzeko aukera ezin hobea du, irabaziz gero. Partida epikoa izango da, nahiz eta igandeko 10:00etan jokatu. Dena dela bigarren postu horrek mailaz igotzeko aukera ematen dio Munttarperi; baina erne, ligako hurrengo partida (azkena), etxean dute lezoarrek egun puntu bakarrera duen Aritzbatalde Zarauzko taldearen kontra.
Bestelakoan, honakoak dira Lezoko kirol talde nagusien asteburuko norgehiagokak:
FUTBOLA
Gizonen Erregional Preferentea
- Orioko-Allerru, bihar (larunbata) 16:00etan Mendibeltz zelaian.
Gizonen Lehen Erregionala, Kopa
- Munibe-Allerru, etzi (igandea) 19:10ean Donostiako Berioko zelaian.
Emakumeen Erregionala, Kopa
- Amara Berri-Allerru, etzi (igandea) 16:45ean Donostiako Martuteneko zelaian.
Gizonen Gazteen Ohorezko Maila
- Allerru-Kostkas, bihar (larunbata), 16:00etan, Plazetan
ESKUBALOIA
Emakumeen Euskal Liga
Gizonen Gipuzkoako Liga
- Aloña Mendi-Munttarpe, etzi (igandea) 10:00etan Oñatiko Zubikoa kiroldegian.
ARETO FUTBOLA
Gizonen Gipuzkoako Lehen Maila
- Lasarte-Jaixki AFT, bihar (larunbata) 16:00etan Lasarte-Oriako Maialen Chorraut kiroldegian.
Gizonen Gipuzkoako Hirugarren Maila
- Gaintxu AFT-Goierri, gaur (ostirala) 21:35an Bekoerrotan.
SASKIBALOIA
Gipuzkoako Hirugarren Maila
- Kurkubi SBT-Mondragon Unibertsitatea C, gaur (ostirala) 19:45ean Bekoerrotan.
