Mahaiak eratu eta hauteslekuak zabaldu dituzte lau barrutietan, normaltasunez.
Dagoeneko hasi dira erabakitzen pasaitarrak
Iritsi da eguna. Demoarsok antolatuta herri galdeketa egingo da gaur Oarsoaldean. Goizeko 08:00etan eratu dituzte mahaiak Pasaiako lau barrutietan, normaltasunez, eta ordubete beranduago zabaldu, inolako arazorik gabe.
Pasaian 14.027 herritar daude gaur botoa ematera deituta, horietatik 5.099 Trintxerpekoak (%36,35); 4.392 antxokoak (%31,31); 2.594 San Pedrokoak (%18,49) eta 1.943 sanjuandar (%13,84).
Pasaian, guztira, bederatzi hautesleku daude: Antxon bakarra, Gure Zumardian; hiru San Pedron, -Herriko Plazan, Zamateten, eta Kanpitxon-; bi Donibanen, – plazan eta Meipin- eta beste hiru Trintxerpen -Serafin Esnaola plazan, Karmengo Ama eskola parean eta Correos parean-.
Pasaitarrentzako galdera hauxe: “Nahi al duzu Euskal Herri burujabe bateko herritarra izan?” .