Oiartzungo Korrika Batzordea Korrikaren bueltako ekitaldiak prestatzen aritu da. Jarduerak zeintzuk diren jakinaraziko dute bihar, euskaltegian.
Duela bi urteko Korrika, plazan sartzen.
Korrika badator, eta Oiartzungo Korrika Batzordeak lotua du euskararen lasterketaren bueltan hainbat ekitaldi antolatu ditu giroa pizten joateko. Horien berri emango du bihar arratsaldean egingo duten aurkezpen ekitaldian.
Horrez gain, aurtengo Korrikarako prestatutako dokumentala ere aurkeztuko dute bihar. Euskararen hizkuntza komunitateko lau aurpegi erakusten ditu ordu erdiko dokumentalak.
Oiartzungo Korrika Batzordea, Intxixu-AEK euskaltegiko kideez gain, herriko ikastetxeetako, ikastetxeetako euskara taldeetako, Abaraxkako, Ttur-tturreko eta udaleko kideek osatzen dute, beste hainbat norbanakoz gain.
Aurkezpen ekitaldia 18:30ean hasiko da, euskaltegian (Fermiñene etxean dago).
Korrikaren hogeigarren ekitaldia apirilaren 4an, asteartea, pasako da Oiartzundik. Ugaldetxotik sartuko da, eta Gurutzetik egingo du alde. Tartean, hamar kilometro eta hamazazpi lekuko aldaketa egingo dituzte.