Resurreccion Maria Azkue sariketatik hiru garaikur Haurtzaro Ikastolara joan dira. Narrazio zein poesia alorretako sariak izan dira oiartzuarrenak.
![azkue.sariak](http://oarsoaldea.hitza.eus/site/files/2017/03/azkue.sariak.jpg)
Haurtzaroko kideak, sariketaren antolatzaileekin, herenegun, Bilbon.
Asteazkenena banatu zituzten, Euskaltzaindiaren Bilboko egoitzan, 2016ko Resurreccion Maria Azlue Literatur Lehiaketaren sariak. Haurtzaroko hiru ikaslek jaso zuten saria, eurek egindako lanengatik.
A Mailan (10-13 adin tartekoak), eta narrazio atalean, Lohizune Telletxea Delgadok lehen saria eraman zuen
Paradisuan, bihotza erdibituta lanarekin. A Mailan ere, baina olerki atalean, Libe Gargallo Eizagirrerentzat izan zen bigarren saria, Itsasoak lanagatik. Bi ikasleak DBH2 mailakoak dira.
B mailan, berriz (14-17 adin tartekoak), Anne Arrizabalaga Ruizek bigarren postuaren saria jaso zuen, Nahi nuke, behar nuke lanagatik (olerki atalekoa). DBH3koa da Arrizabalaga.
Euskaltzaindiak eta BBK-k antolatzen duten sariketara 175 lagun aurkeztu ziren; 2015eko edizioan 88 izan ziren.
Sariak jasotzera, ikasle sarituez gain, Leire Lekuona eta Sohalge Arbelaitz irakasleak ere joan ziren. Haurtzaro Ikastolak zorionik beroena eman die sortzaile gazteei.