Lesoinu XXXI. Aste Pedagogikoak lehen urratsak egin ditu asteburuan. Aste honetan, ostegunean ekingo diote berriz ere kontzertuei.
![entzun.barrua](http://oarsoaldea.hitza.eus/site/files/2017/03/entzun.barrua.jpg)
Hendaiako Entzun abesbatza, ostiraleko kontzertuan.
Lehen asteburua egin du Lesoinu XXXI. Aste Pedagogikoa. Ostiralean, Gezalan, herriko Sutargi eta Hendaiako Entzun (irudian) abesbatzek emanaldia egin zuten; larunbatean, eguraldi txarrari aurre eginez, Loatzo Musika Eskolako Bandak (Tolosaldea), Errenteriakoak eta Tomas Garbizu Musika Eskolako bandak topaketa egin zuten, Karlos Saldisen kontzertua emanaz; igandean, aterpean, Gezalan blues kutsua ezarri zuen The Romanticos taldeak.
Ostegunean izango dute jarraipena aurtengo Lesoinu barruko ekitaldiek. Honakoak dira:
- Hilak 30, osteguna, 18:00etan eta Tomas Garbizu Musika Eskolan, tailer didaktikoa.
- Hilak 31, ostirala, 19:00etan eta Gezala auditorioan, The Lord taldearen gospel kontzertua.
- Apirilaren 1ean, larunbata, bi saio: 12:30ean, Gezalan, MEB taldearen saioa; 19:00etan, Gezalan ere, Trad Fusion Band taldearen folk-jazz kontzertua.
- Apirilaren 2an, igandea: 10:00etan, txistu taldearen diana herritik zehar; 12:00etan, erromeria Gurutze Santuaren plazan: txalapartariak, trikitilariak, txistulariak eta dantzariak.
Igandetik aurrera, eta apirilaren 8ra arte, ia egunero izango dira
Lesoinu barruko musika emanaldiak. Horiek ere iragarriko ditu HITZAk.