Lekukoa eraman behar dutenek badakite non jarri

Hamar kilometro eta hamazazpi lekuko aldaketa egingo dituzte bihar eguerdian, Arraguatik hasi eta Gurutze auzora bitartean.

Erik Gartzia

Oiartzun

2017/04/03

Korrikaren aurtengo ekitaldia bihar pasako da Oiartzundik [Argazkia: Yurima Sagastuy].

Gaur, asteartea, iritsiko da Oiartzuna Korrikaren hogeigarren ekitaldia. Errenteria-Oreretako Fanderia eta Oiartzungo Arragua auzoak banatzen diren tokian hartuko du lekukoa Aldeguna auzo elkarteak, 13:03 inguruan. Ugaldetxora joko dute, Iturriotz eta Altzibar pasa eta handik plazara igoko da euskararen aldeko lasterketa. Gurutzetik utziko du herria, 14:00ak baino lehenago. Arratsaldean. 17:00etatik aurrera, jolasak egingo dituzte plazan. Hamar kilometro eta hamazazpi eskualdatze egingo dituzte guztira. Gaurko zita handia berotzen hasteko, ostiralean Korrika Txikia eta Korrika Gaztea egin zituzten. Larunbaterako, berriz, egun osoko egitaraua prestatu zuten. Ziur bihar ere festa giroa errepikatuko dela.

Ibilbidea eta lekukoaren eramaileak

13:03an: Fanderiako biribilgunea. Carrefour.
Bidebitarte sagardotegian. Aldeguna.
13:09an. Saltokiko biribilgunean. Tajo.
Saizar lantegiaren parean. Niessen.
13:12an. Intxixu erretegiaren parean. Ttur-ttur.
Ibarreren hasieran. Intxixu-AEK.
13:17an. Yerobi Txiki baserriaren parean. EH Bildu.
13:22an. Kamiyo baserriaren parean. Eskuttun.
Karrika-Olalde bidegurutzean. Antiju Morik.
13:32an. Altzibarko bidegorriko gurutzean. Elizalde.
Ormazabal-enea etxearen parean. Haurtzaro.
13:37an. Doneztebe plazan. Oiartzungo Udala.
Mendiburu Etxeberria etxearen parean. Etxerat.
13:42an. Sein baserriaren parean. Ezker abertzalea.
Trekurako bidegurutzean. Auzokalte.
Txipiberri baserria zenaren parean. Oarsoaldeko AEK.
13:47an. Bizardia elkartearen parean. Bizardia.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.