Oiartzunek Atletico Madrilen bisita jaso zuen larunbatean. Markagailuak adierazten duena baino txukunago aritu ziren oiartzuarrak.
Oiartzunek partida berdintzea lortu zuen.
Oiartzunek Atletico Madril liderraren bisita jaso zuen larunbat goizean. Bisitariek jokoaren gidaritza izan zuten hasieratik, eta 18. minutuan lortu zuten lehen gola. Oiartzuarrak ez ziren kikildu, eta hamabi minutu beranduago lortu zuten partida berdintzea. Atleticoren areara egindako lehenengo hurbilketan, Napok buruz errematatutako korner sakea madrildarren sareetara joan zen. Banako berdinketarekin iritsi ziren atsedenaldira.
Lehenengo zatiaren ildo berbera jarraitu zuen partidak bigarrenean. Zurigorriak nagusi ziren, baina oiartzuarrek ongi eusten zieten. Bisitariek berriro aurreratzea lortu zuten, eta talde urdinak ez zuen amorerik eman. Partidaren bukaeran beste bi gol sartu zizkioten Oiartzuni. Jaitsiera postuetatik kanpo jarraitzen dute oiartzuarrek, arerioek ere galdu egin baitzuten.
Bestalde, emakumeen bigarren taldea liderrarengandik lau puntura jarri da, Bilbon berdinduta. Pasa den astean galdu zuten lidertza, eta orain aldea handitu da. Gizonen bigarren taldeak, berriz, lehen postuan jarraitzen du, Elgoibarri irabazita.
Areto futboleko Hirugarren Mailako taldeak etxean irabazi zuen larunbatean. Zuloa aldentzeko aurrerapausoa eman zuten, arerio zuzena garaituta.
FUTBOLA
Emakumeen Lehen Maila
Gizonen Erregional Ohorezko Maila
Emakumeen Euskal Liga
- Berrio Otxoa-Oiartzun B: 2-3.
Gizonen Lehen Erregionala. Igoera Fasea.
- Oiartzun B-Elgoibar: 2-1.
ARETO FUTBOLA
Gizonen Hirugarren Maila
- Oiartzun-Lagun Onak: 7-3.
Gipuzkoako Lehen Maila
- Euskalduna Andoaindarra-Power Rangers: 5-2.
Gipuzkoako Bigarren Maila
- Idiazabal Gorrotxategi-Miren Taberna: 5-4.
SASKIBALOIA
Gizonen Gipuzkoako Lehen Maila
- Oiartzungo Saskilagunak-Mundarro La Salle: 51-66.
