'Perlak, kolpeak, musuak, traizioak' izango dute hizpide Irakurketa Taldekoek

Joxemari Iturralderen eleberria aztertuko dute gaur arratsaldean, liburutegian. Datorren hilabeterako 'Hormako paper horia' irakurriko dute.

Erik Gartzia Egaña

Oiartzun

2017/04/25

joxemari iturralde perlak, kolpeak, musuak, traizioak

Joxemari Iturralde (Tolosa, 1951).

Oiartzungo Irakurketa Taldea gaur arratsaldean bilduko da, Manuel Lekuona bibliotekan. Joxemari Iturralde idazle tolosarrak Pamielarekin duela bi urte argitaratutako Perlak, kolpeak, musuak, traizioak eleberria izango dute mintzagai. 25 emakume dira nobela horretako pertsonaia, eta euren bizitzako gorabeherak nobelatu ditu Iturraldek. 20:00etan hasiko da saioa. Datorren hilabeterako etxekolanei dagokienez, Charlotte Perkins-Gilman (Hartford, AEB, 1860-1935) idazle feministaren Hormako paper horia liburua irakurri beharko dute maiatzaren 23rako. Erdi autobiografikoa da lan hori, erditze ondorengo depresio baten ondoren idatzitakoa. AEBtako literatuta feministaren aitzindarietako bat da 6.000 hitz dituen ipuin motza da Hormako paper horia. XIX. mendean emakumeek jasaten zuten zapalkuntza profesional eta medikua salatzen ditu Perkins-Gilmanek.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.